好痛呀！好慘呀！

阿E生話:你唔做呢個TREATMENT可能隻腳成世都會痛！

於是我痛定思痛，決定要了斷佢！於是早幾日，D細路一考完試我就去左做呢個叫 "PROLOTHERAPY" 既TREATMENT。個手術原理好簡單，就係要將D葡萄糖打入腳到，等隻腳發曬炎咁就會生返D筋播！所以就要一針一針咁打入去啦！結果就係咁﹕我隻殘腳就被桔左17下，痛到都唔識叫，但係竟然無流過一滴眼淚！姑娘猛讚我勁ssss！真係唔知邊到黎既勇氣！頭幾下仲識講笑，之後有幾下痛到唔出倒聲，最後幾下直頭要捉住週邊d野黎借力硬食(感覺好似生仔咁)，死忍唔出得聲！

 阿E生話，呢個都叫小手術架勒，臨"行刑"之前叫我簽生死狀，真係嚇到我面都青埋！呢個TREATMENT最少仲要再做多一次，唔好彩既話要做多兩次，E生話睇下好返幾多先決定！諗起都痛！

依家隻腳仔仲痛緊！發曬炎、瘀曬！希望經此一役後，隻腳仔唔會再拗柴！唔駛再受皮肉之苦！

稍後再UPLOAD D相上黎！不過要PG先好睇！