很久沒有和大家見面，因為我家多了一個新成員，為了照顧佢起居飲食，以至犧牲去玩去顛什至做功課同寫blog嘅時間，全程照顧，落足眼力，當其養娘，不敢怠慢！牠就是我的新寵兒──小饅頭！一隻不可多得超嗲、超可愛、超貪玩同超黏身嘅蘇格蘭摺耳貓！突然間我驚覺我的生活起了巨變！
我像是真的變了人家的媽似的！由牠第一天來我家，天天用在牠身上的時間還多過我上網。每天一早起床，要餵野食、加水、摸佢鍚佢、幫佢執屎屎尿尿，然後先開始攪自己返工既野！跟住放工一返黎即刻餵食，接著陪佢玩捉老鼠，同佢玩捉迷藏，然後又摸下鍚下，跟住又要幫佢洗眼洗耳！再黎又要check下有無屎屎尿尿！好似湊仔咁！有時要幫佢沖涼，簡直係同佢博鬥一樣，貓天生驚水，佢一聽到水龍頭開住就發顛咁狂跳，幫佢沖完涼自己都成身濕透。又要即刻同佢乾身，乾身時又會發顛狂奔，一間又怕佢冷親，佢睇一次醫生仲貴過我自己睇兩次！
我覺得佢返左我屋企之後，完全霸佔曬我的私人時間同空間，呢樣先至大衝擊！我覺得自己真的好似阿媽一樣，體驗到照顧細路果種辛苦同困身！不過阿女真係好得意，辛苦d養大佢都抵！見過佢既朋友都話佢"正"！由於時間有限，暫時分享到呢到，下回再同大家講下貓經。
